Kortlagning og vöktun á náttúru Íslands með fjarkönnun

Hnattrænar umhverfisbreytingar hafa bæði félagsleg og efnahagsleg áhrif í nútímasamfélögum.

Hraðar og sjálfvirkar kortlagningar- og vöktunaraðferðir með stórum kvarða eru nauðsynlegar til að minnka áhrif þessara breytinga og skilja stærðina og flækjustigið á stýriferlunum.

EMMIRS er frumlegt þverfræðilegt verkefni sem notast við bestu fjarkönnunargögn í rúmi og rófi í þeim tilgangi að þróa og beita fullkomnustu kortlagningar- og vöktunartækni.

Miðdepill verkefnisins eru tvö sérvalin svæði í óbyggðum Íslands, Hekla og Öræfajökull, sem mikilvæg dæmi um margs konar umhverfisbreytingar á Íslandi og í heiminum. Nákvæm jarðfræði- og gróðurkort verða gerð í verkefninu með háþróuðum flokkunaraðferðum sem beitt verður á fyrrgreind svæði. Þessi kort verða byggð á mikilvægum gögnum sem safnað verður í verkefninu ásamt öðrum fyrirliggjandi fjarkönnunarmyndum.

Söguleg vöktun byggist á þeim fjarkönnunarmyndum sem fyrir liggja og nýtist til greiningar á breytingum á svæðunum með gagnabræðslu. Þannig má meta umhverfisbreytingarnar sem orðið hafa sl. 70 ár fyrir Heklu og Öræfajökul. Ásamt svæðisgreiningu og háþróaðri líkanagerð má rannsaka tíðni ferlanna og stikana sem stýra þeim til að gefa einstakan og yfirgripsmikinn skilning á hreyfifræði landslags.

EMMIRS verkefnið sameinar unga vísindamenn og helstu sérfræðiþekkingu heimsins á mörgum þverfræðilegum sviðum til að auka þekkingu fyrir þróun og framkvæmd kortlagningar og vöktunartækni umhverfis til framtíðar.