Neðanjarðar fráveitu kerfi, sem safna ofanvatni frá þökum, götum og görðum, anna ekki álagi í nútíma borgum. Endurtekin flóð, með tilheyrandi tjónum, hafa knúið bæjarfélög um víðan heim að endurhugsa frá grunni stýringu ofanvatns. Í æ ríkara mæli er horft til sjálfbærra lausna sem miðla vatni í náttúrulega farvegi.

Stærðarákvörðun ofanvatnskerfa hefur ekki tekið mið af langvarandi snjóbráð þrátt fyrir að vera jafn líkleg til þess að valda flóðum í þéttbýli og snarpir rigningarskúrar. Svörun við örum skiptum á þýðu og frosti, og tíðum rigningum á snjó, einkennandi fyrir vetrarloftslagið á Íslandi, hefur ekki verið prófuð. Skortur á þekkingu á afrennsli í borgum á veturna stendur í vegi fyrir farsælli innleiðingu sjálfbærra ofanvatnslausna.

Markmið þessarar rannsóknar er að greina vetrar afrennsli í misleitu borgarumhverfi með tíðum umhleypingum.

Örlög regns og snjós verður ákvarðað með því að greina söguleg gögn úr rekstri fráveitukerfisins í Reykjavík. Afrennsli og sig í jarðveg verður mælt í Urriðaholti, Garðabæ, sem er fyrsta hverfið á Íslandi hannað með tilliti til sjálfbærra ofanvatnslausna. Frammistaða svelgja til að miðla vatni á veturna verður metin.

Niðurstöður munu gegna lykilhlutverki í að tryggja farsæla hönnun og rekstur ofanvatnskerfa í þéttbýli í köldu loftslagi.