Tæringarhegðun efna í hermdu jarðhitaumhverfi djúpborunarhola

Markmið verkefnisins er að rannsaka tæringarviðnám efna í super krítískri gufu sem líkir eftir aðstæðum í djúpu jarðhitaumhverfi. Þetta mun auka þekkingu okkar á tæringarhegðun efna í jarðhitaumhverfi djúpborunarhola sem eru við hærri hita, þrýsting og aukna tæringaráraun heldur en hefðbundnar háhitaborholur.

Niðurstöður verkefnisins munu gefa mikilvægar upplýsingar um hversu vel mismunandi efni standa sig í yfirmarksástands í jarðhitaumhverfi, sem hjálpar við hönnun og rekstur framtíðardjúpborunarhola.

Í verkefninu verður settur upp tilraunabúnaður til að framkvæma tæringar og útfellingarprófanir í hermdu jarðhitaumhverfi í yfirmarksástands gufu.

Tæringarviðnám mismunandi efna í þessu umhverfi verður greint með hefðbundnum tæringarmælingar aðferðum, m.a. þyngdartapsmælingum, og með því að greina með SEM og XEDS smásæja uppbyggingu og efnasamsetningu tæringar og útfellingar afurða sýnanna.

Niðurstöðurnar munu gefa upplýsingar um tæringarhraða og sprungunæmni efnanna í umhverfinu, og efnasamsetningu og uppbyggingu tæringa- og útfellingaefna.

Einnig verður rannsakað áhrif kísiloxíðs SiO2, sem er algengt útfellingarefni í jarðhitaumhverfi, á tæringarhraða efnanna sem prófuð verða.