Atmonia ehf þróar hvata fyrir umhverfisvæna framleiðslu ammóníaks í áburð, með rafefnafræði. Sú aðferð sem er notuð í dag, Haber-Bosch, er orkufrek og mengandi.

Í þessu verkefni munum við vinna að markaðs og rekstraráætlun Atmonia, sækja fjárfesta heim og samtímis halda áfram með prófanir á þeim hvata sem er mest lofandi.

Samstarf sérfræðinga í efnisfræði, efnagreiningum, rafefnafræði og tölvuefnafræði hefur opnað möguleika á að besta kristalbyggingar yfirborðanna og rafefnafræðilegar hvarfaðstæður til að hanna ferlið kerfisbundið.

Við byggjum á niðurstöðum úr skammtafræðilegum reikningum próf. Egils Skúlasonar og hans rannsóknarhóps þar sem að fjórum málmnítriðum (VN, ZrN, NbN og CrN) er spáð góð hvötunarvirkni, há nýtni og stöðugleiki fyrir þetta ferli. Einn þessara hvata, VN, verður prófaður frekar og bestaður í tilraunum til að hámarka hvarfhraðann, nýtnina og stöðugleikann.

Niðurstöðurnar verða nýttar til að skala upp kerfið og ferlið í síðara skrefi.