Lýsing á verkefninu

Tæknin sem er þróuð innan VERGE-verkefnisins verður sú fyrsta sinnar tegundar í heiminum: rafefnafræðilegt ferli til framleiðslu ammóníaks úr sjálfbæru rafmagni. Með því að framleiða ammóníak með sjálfbærum hætti með endurvinnanlegum orkugjöfum má hafa mikil áhrif á heimsvísu því núverandi framleiðsluhættir efnisins (með Haber-Bosch aðferðinni) leiða til losunar 1% gróðurhúsalofttegunda í heiminum. Þar að auki er ammóníak eitt mest lofandi kolefnislausa rafeldsneytið sem við þekkjum fyrir skipaflutninga og aðrar siglingar. Draga má úr losun gróðurhúsalofttegunda af mannavöldum í heiminum um allt að 3% með því að nýta ammóníak, sem er framleitt á umhverfisvænan máta, sem orkugjafa í stað jarðefnaeldsneytis. Þannig mun tæknin sem verður til innan VERGE-verkefnisins flýta fyrir því markmiði Evrópusambandsríkja að verða kolefnishlutlaus fyrir árið 2050.  

VERGE-kerfið verður sérhannað til þess að geta keyrt á umhverfisvænu rafmagni þegar það er til og slökkva á sér þegar ekkert rafmagn er til staðar. Það hentar vel til þess að fullnýta orku frá stopulum orkugjöfum, s.s. sól og vindi, orku sem annars er í dag sóað. 

Vefsíða: verge.hi.is