Í verkefninu verða þróaðar aðferðir til þess að gera róbótum kleift að ákveða röðun hluta sjálfvirkt með reglulegum, skipulegum og jafnvel „fallegum“ hætti.

Takmarkaðar rannsóknir eða þróun liggja fyrir á þessu sviði og viðfangsefnið spannar m.a. fræði á sviði róbóta, tölvusjónar og gervigreindar.

Verkefnið má telja nýstárlegt og í því felst umtalsvert nýnæmi.

Verkefnið hefur ýmsa hagnýtingarkosti, einkum í matvælavinnslu þar sem róbótavæðing og sjálfvirkni er vaxandi og mikilvægt er að raða hráefni inn á vinnslutæki og að skila því í skammta með þeim hætti að þeir líti vel út gagnvart neytendum.

Háskóli og fyrirtæki standa saman að þessu verkefni sem er til tveggja ára og verður efniviður í meistara- og doktorsverkefni.